काठमाडाैँ । नेपाल तरुण दल अध्यक्ष विद्वान गुरुङले सरकारको कामकारबाही हेरेर साथ र खबरदारी दिनुपर्ने बताएका छन ।
विहीवार एक कार्यक्रममा बोल्दै अध्यक्ष गुरुङले सरकारको अनुभूति जनताले गर्न नसकेको कुरा बताउँदै जनताको भावना बमोजिम कार्य गर्नुपर्ने बताएका हुन् ।
नयाँ बानेश्वर ब्याङ्क्वेटमा नेपाल तरुण दल पूर्व अध्यक्ष विनोद कायस्थले नव मनोनित तरुण दल केन्द्रिय सदस्यहरूको सम्मानमा आयोजित चियापान कार्यक्रममा बोल्दै अध्यक्ष गुरुङले तरुण दल अध्यक्षको कुनै गुट नहुने कुरा बताए । उनले सम्पूर्ण केन्द्रिय सदस्यहरूलाई भुकम्प पीडितको कार्यमा जुट्न निर्देशन दिए ।
कार्यक्रममा पूर्व अध्यक्ष विनोद कायस्थले सभापतित्व गरेका थिए । कार्यक्रममा संघीय सांसद प्रतिमा गौतम ,सुनिल शर्मा पूर्व विद्यार्थी नेता मनोजमणि आचार्य, पूर्व तरुण दल पदाधिकारिहरूको उपस्थिति रहेको थियो ।
कार्यक्रम सञ्चालन नेपाल तरुण दल मुख्य सचिव ठान प्रसाद पोखरेलले गरेका थिए ।
