काठमाडौं । राष्ट्रपति रामचन्द्र पौडेलले उधौली पर्वले मानव जीवन र प्रकृतिबीचको अन्योन्याश्रित सम्बन्धलाई उजागर गर्न सहयोग गरेको बताएका छन्।
किराँत समुदायको महान् पर्व उधौलीका अवसरमा शुभकामना दिँदै उनले यसले नेपालका सबै जातजातिबीच आपसी सद्भाव अभिवृद्धि गर्ने विश्वास व्यक्त गरेका छन्।
उनले विधिवधतायुक्त नेपाली समाजमा यस्ता चाडपर्वले आपसी सद्भाव, सहिष्णुता र भ्रातृत्वको भावना अभिवृद्धि भई राष्ट्रिय एकता थप सुदृढ हुने बताएका छन्।
‘विभिन्न जातजाति र समुदायहरूको साझा फूलबारीका रूपमा रहेको नेपालमा उधौलीजस्ता चाड पर्वले हाम्रो साँस्कृतिक, जातीय र भाषिक विविधतालाई आपसमा गाँसेर सामाजिक सद्भाव, राष्ट्रिय एकता र साझा नेपालीको पहिचान कायम गर्नमा अहं भूमिका निभाएको छ’, राष्ट्रपतिद्वारा जारी सन्देशमा उल्लेख छ।
