कपिलवस्तु । प्रदेशस्तरीय प्रधानमन्त्री कप क्रिकेट छनौटका लागि लुम्बिनी प्रदेश स्तरीय प्रतियोगितामा कपिलवस्तुले लगातार दोस्रो शानदार जित हात पारेको छ । आज भैरहवाको सिद्धार्थ रङ्गशालामा भएको खेलमा कपिलवस्तुले परासी माथि शानदार जित हात पारेको हो ।
टस जितेर पहिला ब्याटिङ गरेको परासीले कपिलवस्तुलाई ४७ ओभरमा २ सय १२ रनको लक्ष्य दिएको थियो । उक्त लक्ष्यलाई कपिलवस्तुले ९ विकेटको क्षतिमा पुरा गरि दोस्रो जित हात पारेको हो । २ दिन अघि प्रदेशको बलियो टीम मानिएको रूपन्देही टिमलाई कपिलवस्तुले ६१ रनले पराजित गरेको थियो ।
समुह ए मा कपिलवस्तु रूपन्देही, पाल्पा नवलपरासी छन । यस्तै समुह बी मा बाँके बर्दिया र दाङ छन । छनौट प्रतियोगिता खेल पुस २२ सम्म चल्ने छ ।
