अर्घाखाँची । दुवै मिर्गौलाले काम गर्न छाडेपछि गौतमबुद्ध मुटु अस्पतालमा भर्ना भएका लेख बहादुर विकको उपचारका लागि परिवारले सहयोगका लागि अपिल गरेको छ ।
अर्घाखाँची जिल्लाको छत्रदेव गाउँपालिका वडा नम्बर ३ नेवारथुम घर भएका लेख बहादुर विकको जीवनरक्षाका लागि मिर्गौला प्रत्यारोपण गर्नुपर्ने भएपछि परिवारले आर्थिक सहयोगका लागि याचना गरेको हो । विगत ५ महिनादेखि दुबै मिर्गौलाले काम गर्न छोडेकोले बुटवलको गौतमबुद्ध मुटु अस्पतालमा बिकको हप्ताको मङ्लबार र शनिबार डायलासिस गरिदै आएको छ ।
नेपाल सरकारले निःशुल्क डायलासिस गराएता पनि एक/एक हप्तामा रगत फेरि रहनु पर्ने र महँगो औषधि तथा घरको आर्थिक अवस्था कमजोर भएको कारण उनलाई बचाउन परिवारले सहयोगका लागि अपिल गरेको छ ।
उनलाई सहयोग गर्न चाहनेहरूले नबिल बैंकको खाता नम्बर १७६१००१७५०९७७१ मा सहयोग पठाउन वा उनकी श्रीमती कमला बिक (९८६७४०१०१७) तथा छोरा शुभम बिक (९८६२३६८०२७) लाई सम्पर्क गर्न सकिनेछ ।
