बुटवल । सत्ता गठबन्धनको लुम्बिनी प्रदेशको संयुक्त बैठक सम्पन्न भएको छ ।
बैठकले राष्ट्रियसभा निर्वाचनमा गठबन्धनका तर्फबाट लुम्बिनिका २ उम्मेदवारलाई जिताउन नेपाली कांग्रेस लुम्बिनी प्रदेशको सभापति अमरसिंह पुन संयोजकत्वमा “राष्ट्रिय सभा निर्वाचन लुम्बिनी प्रदेश समन्वय समिति- २०८०” गठन गर्ने निर्णय गरेको छ । जसमा सत्ता गठबन्धमा आवद्ध दलका प्रदेश प्रमुखहरु तथा संसदीय दलको नेता सदस्य रहनेछन् ।
त्यस्तै बैठकले जिल्ला स्तरमा पनि राष्ट्रिय सभा निर्वाचन जिल्ला समन्वय समिति २०८० गठन गर्ने निर्णय गरेको काँग्रेस लुम्बिनीका सभापती अमरसिंह पुनले जानकारी दिए । माघ २ गते देखि १० गतेसम्म राष्ट्रिय सभा निर्वाचनका उम्मेदवारहरुलाई भारी मतका साथ विजयी गराउन सम्पुर्ण मतदाताहरुलाई अपिल गर्ने साथै उम्मेद्वार र मतदाता विचमा भेटघाट तथा अर्न्तक्रिया कार्यक्रम गर्ने निर्णय भएको सभापति पुनले बताए ।
माघ ११ गते हुने राष्ट्रियसभा निर्वाचनमा लुम्बिनिमा गठबन्धनका तर्फबाट नेकपा माओवादी केन्द्रका झक्कुप्रसाद सुवेदी र नेपाली कांग्रेसकि विष्णु कुमारी सापकोटा उम्मेद्वार रहेका छन् ।
