बुटवल । बुटवल जेसीजको अध्यक्षमा विनोद घिमिरे निर्वाचित भएका छन् ।
शुक्रबार बुटवलमा सम्पन्न शाखा अधिवेशनबाट प्रत्यासी अर्जुन ज्ञवालीलाई पराजित गर्दै घिमिरेको अध्यक्षमा निर्वाचित भएका हुन् । अध्यक्षमा निर्वाचित घिमिरेले ५९ मत प्राप्त गरेका थिए थियो भने अर्का प्रत्यासी ज्ञवालीले ७ मत प्रप्त गरेको निर्वाचन समितिले जनाएको छ ।
त्यस्तै कार्यकारिणी उपाध्यक्षमा कमल शर्मा र माधव पराजुली, उपाध्यक्ष पदमा प्रकाश गैरे, अनिल पौडेल, मनोजलाल श्रेष्ठ र विशाल पन्थी निर्वाचित भएका छन् । त्यस्तै सहसचिवमा बाबुराम लम्साल र सहकोषाध्यक्षमा सरोज पोखरेल निर्वाचित भएका छन् ।
अध्यक्षले मनोनित गर्ने कानुनी सल्लाहकारमा मोहन न्यौपाने, सिईए टु प्रेसिडेन्टमा अर्जुन ज्ञवाली, महासचिवमा केशव श्रीस र कोषाध्यक्ष पदमा यदुमणी पोखरेललाई मनोनित गरिएको छ ।
