काठमाडौं ।
नेपाली काँग्रेसले सनातन हिन्दुराष्ट्र नेपाल स्थापना महाअभियान सन्चालन गर्ने भएको छ । नेपाली काँग्रेसका केन्द्रीय सदस्य एवं सांसद शंकर भण्डारीको संयोजकत्वमा अभियान सुरु हुन लागेको हो ।
काठमाडौंको बसुन्धरामा बसेको बैठकबाट नेपाली काँग्रेस, सनातन हिन्दुराष्ट्र नेपाल स्थापना महाअभियान केन्द्रीय समन्वय समितिको सह-संयोजकद्वयमा नेपाली काँग्रसका केन्द्रीय सदस्य देवेन्द्रराज कँडेल र नेपाली काँग्रसका नेता लोकेश ढकालका साथै कोषाध्यक्षमा भानुभक्त ढकाल चयन हुनुभएको छ ।
सल्लाहाकार परिषद्को संयोजकमा नेपाली काँग्रेसका पूर्व केन्द्रीय सदस्य लक्ष्मणप्रसाद घिमिरेलाई जिम्मा दिइएको छ। बैठकबाट नेपाली काँग्रेसको आसन्न महासमिति बैठकपूर्व नै आउँदो २०८० फाल्गुन ५ गतेका दिन नयाँ बानेश्वर स्थित बानेश्वर वैकेटमा सुरु हुने वैठकमा उक्त विषयलाई उठान गर्ने समितिद्वारा जारी विज्ञप्तिमा उल्लेख गरिएको छ । प्रमुख एजेन्डासहितको नेपाली काँग्रेस, सनातन हिन्दुराष्ट्र नेपाल स्थापना महाअभियानको घोषणा-पत्र जारी गरिने कार्यकमसमेत तय भएको छ ।
