चन्द्रकला राना,
बुटवल । तेस्रो राष्ट्रिय विशाल लुम्बिनी लोक दोहोरी अवार्ड २०८० को फाइनल कार्यक्रम भव्यताका साथ सम्पन्न भएको छ ।
गुल्मेली चर्चित मोडल कमल परियारले गोविन्द पराजुली र सुनिता बूढाक्षेत्रीले गाएको मायाको मोहनी हाँसो गीतमा मोडलिङ गरेका थिए । परियारले तेस्रो राष्ट्रिय विशाल लुम्बिनी लोकदोहोरी अवार्ड २०८० बाट सर्वोत्कृष्ट म्युजिक भिडियो नव मोडल (पुरूष) , मायाको मोहनी हाँसो नामक गीतबाट पहिलो पटक अवार्ड प्राप्त गर्न सफल भएका छन् ।
स्वर्गीय कल्पना गैरे स्मृति फाउण्डेसनको सहयोगार्थ विशाल मुभिज प्रा.लि. अनामनगरद्धारा आयोजित तेस्रो राष्ट्रिय विशाल लुम्बिनी लोक दोहोरी अवार्ड २०८० को फाइनल कार्यक्रम तथा स्रष्टा सम्मान चलचित्र विकास बोर्डको सभाहलमा भव्यताका साथ सम्पन्न भएको कार्यक्रममा लोक तथा दोहोरी गीतसंग सम्बन्धित ३२ विधाका करिब ५० भन्दा बढी कलाकारहरूलाई उत्कृष्ट अवार्ड बितरण गरिएको हो ।
यसै क्रममा गुल्मीमा जन्मिएका कमल परियारलाई नब मोडल (पुरूष) को उत्कृष्ट अवार्ड प्रदान गरिएको छ ।
