सुर्य भुसाल,
रुकुम पूर्व । डिभिजन बन कार्यालय रुकुम पूर्वका डिभिजन बन अधिकृत जितेन्द्र खड्काले सामुदायिक बन क्षेत्रको संरक्षण सम्वर्द्धन गर्ने जिम्मेवारी उपभोक्ताहरूको रहेको बताएका छन् ।
रुकुम पूर्वको भुमे ९ बिजौरा र भुमे ८ सिमकोलामा वडा नम्बर ६ र ८ र ९ का कृषकसँग भएको अन्तरक्रिया कार्यक्रममा बोल्दै डिभिजन वन अधिकृत खड्काले किसानहरुको माग अनुसार डिभिजन बन कार्यालयले काम गर्ने बताउँदै ओखर रोपन गर्ने कृषकहरूको आयआर्जन निकै राम्रो उत्कृष्ट रहने बताएका हुन् । खड्काले पूर्वी रुकुम अोखर खेतिको राम्रो सम्भावना बोकेको जिल्ला भएकोले यहाँको अोखर खेतीले राम्रोसँग बजार पाउन नसकेको बताउँदै बजारको राम्रो प्रबन्ध मिलाउनका लागि पहल गर्ने बताए ।
डिभिजन बन अधिकृत खड्काले डिभिजन बन कार्यलयमा दरबन्दी अनुसारका कर्मचारीहरू नहुदाँ काम गर्न निकै कठिन भएको बताउँदै सबै ठाउँमा फिल्ड चेकजाँच गर्न जानका लागि समस्या भएको बताउँदै खड्काले कर्मचारीहरूको अभावमा पनि काम गरिरहेको बताए । डिभिजन बन अधिकृतको रुपमा खड्का त्यहाँ गएपछि लथालिङ्ग रहेको बन कार्यालय अहिले निकै सिस्टम तथा प्रविधि मैत्री सुशासन मैत्री बनाउन सफल भएको भन्दै बनका उपभोक्ता त्यहाँका सेवाग्राहीले खुलेर प्रशंसा गर्ने गरेका छन ।
खड्का जहाँ सरुवा भएर गएपनि पारदर्शीतालाई प्राथमिकतामा राखेर काम गर्ने निकै सरल कुशल सक्षम सबैले असल मान्ने बन अधिकृत हुन ।
