back to top
३१ असार २०८१, सोमवार
IPL 2024
IPL 2024
३१ असार २०८१, सोमवार
IPL 2024
spot_img

सिरुवारी गाउँहुँदै पोखरासम्मको यात्रामा यसरी रमाए मैदानका स्वयंसेविका

Workplace

अर्घाखाँची । अर्घाखाँचीको पाणिनी गाउँपालिका वडा नं. ५ ले वडाका सदस्यहरु र महिला स्वास्थ्य स्वयंसेविकाहरुलाई  अध्ययन अवलोकलन भ्रमण गराएको छ । वडाध्यक्ष इन्द्रमणि घिमिरेको नेतृत्वमा यही यहि फागुन ४ गतेदेखि ७ गतेसम्म विभिन्न जिल्लामा भ्रमण गराएको हो ।

Workplace

पाणिनी गाउँपालिका वडा नं ५ का वडा अध्यक्ष इन्द्रमणि घिमिरे, मैदान स्वास्थ्य इन्चार्ज जगधिस घिमिरे, पालिका स्वास्थ शाखा जनस्वास्थ्य निरिक्षक रामप्रसाद घिमिरे र महिला स्वास्थ्य स्वयंसेविकासहित ३५ जना टोेलीले भ्रमण गरेको हो । उनीहरु मैदान सुरु भई गुल्मीको रिडी, स्याङ्जाको सिरुवारी, कास्कीको पोखराको भ्रमण सक्काएर पाल्पा हुँदै मैदान फर्किएका हुन् ।

भ्रमणमा उनीहरुको गुल्मीको रुरुक्षेत्र धामको धार्मिक तथा पर्यटकीय गन्तव्यको भ्रमण गरेका थिए । यस्तै, स्याङ्जाको सिरुवारीमा रहेको होम स्टेमा उनीहरुलाई स्थानीयहरुले न्यायो स्वागत गरे ।

स्याङ्जाको आँधीखोला गाउँपालिका–१, गुरुङबस्तीलाई सिरुबारी भनिन्छ । सिरुबारीमा ३९ घर रहेका छन् । यी मध्ये २३ घरमा पर्यटकलाई बासको व्यवस्था छ । भ्रमण टोलीले सिरुवारी गाउँमा सामुदायिक जङ्गल, गुम्बा, सङ्ग्रहालय लगायतको अवलोक गरेका थिए । उनीहरुले सिरुबारीको शिरान देउरालीबाट धौलागिरि, अन्नपूर्ण, माछापुच्छ्रेदेखि लमजुङ हिमालसम्मको मनोरम दृश्य पनि कैद गरेका हुन् ।

सिरुवारीबाट कास्कीको पोखरा पुगेका उनीहरुले पोखरामा तालबाराही मन्दीरको दर्शन गर्दै कालीगण्डकी पानी जहाजको समेत मज्जा पनि लिए ।

वडाध्यक्ष घिमिरेले आन्तरिक पर्यटनलाई प्रवर्द्र्धन गर्नका लागि अध्ययन अवलोकन भ्रमण गराएको जानकारी दिए । उनले देशका विभिन्न ठाउँको संस्कृति, रहनसहन, चालचलन र ज्ञान आर्जन गर्न भ्रमण गराएको र यो धेरै प्रभावकारी बनेको विश्वास लिए ।

कोभिड–१९ महामारीले पर्यटन क्षेत्रमा पारेको नकारात्मक प्रभावलाई कम गर्दै आन्तरिक पर्यटन प्रवर्द्र्धनलाई वढवा दिने उद्धेश्य भ्रमण गरिएको वडाध्यक्ष घिमिरे भनाई छ । भ्रमणपछि महिला स्वास्थ्य स्वयंसेविकाहरुले भ्रमणबाट धेरै ज्ञान हासिल गरेको बताएका छन् ।

Workplace
spot_img
spot_img
spot_img
यो खबर पढेर तपाईलाई कस्तो महसुस भयो ?
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
spot_img
spot_img
spot_img
spot_img
प्रतिक्रिया दिनुहोस्

तपाईको समाचार आफै पाेष्ट गर्नुहाेस्

समाचारको फोटो यहाँ Upload गर्नुहोस्

सम्बन्धित खबर

लोकप्रिय

सामाजिक सञ्जालमा हामी

भर्खरै

छुटाउनुभयो कि ?