अर्घाखाँची । अर्घाखाँचीको पाणिनि गाउँपालिका स्तरीय भजन प्रतियोगितामा वडा नं. ४ पटौटी चौराहाको रातापानी भजन समूह प्रथम भएको छ ।
सातौँ पाणिनि दुर्वाशेश्वर पर्यटन महोत्सवको अवसरमा आयोजित लोकभजन प्रतियोगितामा रातापानी भजन समूह प्रथम भएको हो । प्रथम भएसँगै सो समुहले नगद १५ हजार सहित ट्रफि र प्रमाणपत्र पनि प्राप्त गरेको छ ।
यस्तै प्रतियोगितामा उपल्ला पटौटिको भजन समुह द्वितीया, अड्गुरी भजन मण्डली तृतीय र पणेनाको भजन समुह सान्त्वना भएको छ।
भजनबाट प्रभावित भई आर्थिक सहयोग
अर्घाखाँची जिल्ला पाणिनि गाउपालिका वडा नं. ४ उपल्ला पटौटीको भजनबाट प्रभावित भएर पाणिनी गाउपालिका ५ मैदानका भीम घिमिरेले आर्थिक सहयोग गरेका छन् ।
घिमिरेले मौलिक भजनको संरक्षण, जगेर्ना, बाजागाजा मर्मत र थप हौसलाको लागि उक्त भजन मण्डलीलाई आर्थिक सहयोग गरेका हुन् । उनले आर्थिक सहयोग स्वरुप दस हजार रुपैयाँ सहयोग गरेका हुन् ।
उनी हाल वैदेशिक रोजगारीको सिलसिलामा साउदी अरेबियामा कार्यरत रहेका छन् ।
