अर्घाखाँची । नेपाली कांग्रेसका लुम्बिनी प्रदेश उपसभापति राजु खनालले पाटी भित्र एकता हुन सके मात्र संगठन मजबुत हुने बताएका छन्।
पाटी भित्रै बढ्दो आरोप प्रत्यारोप र असहयोग गर्ने परिपाटीले कांग्रेसको संगठन राम्रो नहुने उनको भनाई छ । स्थानीय, प्रदेश र संघको निर्वाचनपछि मात्र पाटीको अधिवेशन गर्नुपर्ने विधान कांग्रेसले ल्याउनु पर्ने बताए ।
विपी स्मृति भवन सन्धिखर्कमा भएको कार्यक्रममा मन्तव्य राख्दै प्रदेश स्वास्थ्य मन्त्री समेत रहेका खनालले कांग्रेसले गरेका कामहरूको प्रचारप्रसार गर्न नसकेको समेत बताए ।
कार्यक्रममा नेपाली कांग्रेसका लुम्बिनी प्रदेश सहमहामन्त्री विष्णु प्रसाद खनाल (मुस्कान), पूर्व सभापति कमल प्रसाद भुसाल, प्रदेश सदस्य शान्ता भण्डारी, जिल्ला उपसभापति बाबुराम पौडेल, सचिव अच्युत गौतम, लगायतले मन्तव्य राखेका थिए ।
कार्यक्रम नेपाली कांग्रेसका जिल्ला सभापति केशव श्रेष्ठको अध्यक्षता र सचिव कृष्ण प्रसाद खनालको सञ्चालनमा सम्पन्न भएको हो ।
