अर्घाखाँची । पाणिनि गाउँपालिका वडा न. ७ अड्गुरीमा आयोजित दोस्रो वडा अध्यक्ष कप भलिवल प्रतियोगिताका समुह चरणका खेलहरु आजबाट शुरु भएका छन् ।
आज शनिवार उद्धघाटन भएको खेलमा ९ समुहको सहभागिता रहेको छ । गणतान्त्रिक सिर्जनशिल युवा क्लवको आयोजना र वडा न. ७ अड्गुरीको आर्थिक सहयोगमा आयोजित प्रतियोगितामा आज समुह चरणका ३ वटा खेलहरु सम्पन्न भएका छन् । बाँकि खेलहरु भोलि विहानबाट शुरु हुने आयोजकले बताएको छ । साथै भोलि प्रथम पालिका स्तरिय भलिवल प्रतियोगिता पनि हुने भएको छ । पालिका स्तरिय प्रतियोगितामा प्रथम हुनेले १५ हजार नगद र वडा स्तरमा प्रथम हुनेले नगद ७ हजार सहित मेडल र प्रमाणपत्र प्राप्त गर्नेछन् ।
प्रतियोगिताको उद्धघाटन गर्दै लुम्विनी प्रदेश सभा सदस्य रामजी प्रसाद घिमिरेले खेलकुदको विकासका लागि आफुले सक्दो प्रयास र सहयोग गर्न तयार रहेको भन्दै उक्त खेलमैदानको स्तरोन्तिका लागि प्रदेश सरकारबाट आवश्यक पहल गर्ने प्रतिवद्धता ब्याक्त गरेका छन् ।
यस्तै कार्यक्रममा बोल्दै वडाध्यक्ष गुनाखर अधिकारिले खेलकुदलाई आफ्नो बजेटमा प्रथमिकता दिदैँ आएकोमा यस आर्थिक वर्षमा पनि युवा खेलाडि उत्पादनमा थोरै भएपनि योगदान गर्न पाएकोमा खुशि भएको बताएका छन् । देशलाई चिनाउने खेलाडि स्थानिय खेलहरुबाट जन्मिने भन्दै त्यसका लागि आवश्यक सहयोगमा कमि हुन नदिने बताएका थिए ।
नेपालि कांग्रेस पाणिनिका सभापति तुल्सीराम पौडेलले खेलकुदलाई प्राथमिकता दिएकोमा वडा कार्यलयलाई धन्यवाद दिदै खेल मैदानको स्तरोन्तीका लागि प्रदेशबाट उचित पहल गर्न आग्रह गरेका थिए ।
कार्यक्रम गणतान्त्रिक सिर्जनशिल युवा क्लवका अध्यक्ष सन्दिप पोख्रेलको अध्यक्षता सचिव अनिल न्यौपानेको संचालन र हिम्मत कार्किको स्वागत मन्तयबाट शुरु भएको थियो ।
