समाचार सारांश
Auto Generated by AI
- धादिङमा बाढीले बगाएर ल्याएको पैसाको सेफ फोड्ने २९ जना पक्राउ परेका छन्।
- उनीहरूको साथबाट ९२ लाख ६८ हजार ५०५ रुपैयाँ बरामद गरिएको छ।
- प्रहरीले सबैलाई हिरासतमा राखी यस घटनाको थप अनुसन्धान गरिरहेको छ।
काठमाण्डौ । भोटेकोशीको बाढीले धादिङमा बगाएर ल्याएको पैसा राख्ने सेफ फोड्ने २९ जनालाई सशस्त्र प्रहरी बल र नेपाल प्रहरीको संयुक्त टोलीले पक्राउ गरेको छ ।
पक्राउ परेका उनीहरूको साथबाट ९२ लाख ६८ हजार ५०५ रुपैयाँ बरामद भएको प्रहरीले जनाएको छ । पक्राउ परेका सबैलाई जिल्ला प्रहरी कार्यालय धादिङले हिरासतमा राखेको छ ।
गल्छी गाउँपालिका–४ बेल्खुखोला त्रिशूली नदी किनारमा सेफ भेटिएको थियो । तर आफूखुसी फोरेर रकम चोरी गरेको उजुरीका आधारमा उनीहरू पक्राउ परेका हुन् । ती सबैमाथि आवश्यक छानबिन भइरहेको प्रहरीले जनाएको छ ।
