अर्घाखाँची । अर्घाखाँचीमा बस दुर्घटनामा परि एक जनाको मृत्यु भएको छ ।
जिल्लाको शितगंगा नगरपालिकामा बिहिबार भएको बस दुर्घटनामा परि दुर्घटनामा परि १ जनाको मृत्यु भएको हो । मृत्यु हुनेमा शितगंगा ८ लाहापेका १३ वर्षिय प्रज्वल बुढाथोकी रहेका छन । दुर्घटनामा गम्भीर घाईते भएका बुढाथोकीको गएराति चौराहा अस्पताल बुटवलमा उपचारको क्रममा मृत्यु भएको जिल्ला प्रहरी कार्यालय अर्घाखाँचीले जनाएको छ।
सुपादेउराली दर्शन गरी दाङ जाँदै गरेको रा १ ख १५०५ नम्बरको बस गोरूसिङ्गे सन्धिखर्क सडकखण्डको शितगंगा ४ कोप्चिबासमा दुर्घटनामा परेको थियो । घाईते सबै दाङ गढवा १ का रहेका छन् । घाइते १७ जनाको बुटवलमा विभिन्न अस्पतालमा उपचार भैरहेको जिल्ला प्रहरी कार्यालय अर्घाखाँचीका प्रहरी निरिक्षक दिपेन्द्र रावलले जानकारी दिए ।
बस ओरालो सडकमा एक्कासी ब्रेक फेल भई अनियन्त्रित भएर दुर्घटनामा परेको थियो । चालकलाई प्रहरीले नियन्त्रणमा लिएको छ ।
