अर्घाखाँची । लायन्स क्लव अफ अर्घाखाँचीले भुमिकास्थान नगरपालिकाका वडा नं. ३ र ४ का आगो लागी पिडितहरुका लागी राहत सामाग्री वितरण गरेको छ ।
गत वैशाख ८ गते भीषण आगलागी भै अरुको आश्रय लिने गरि घरबास गुमाएका भूमिकास्थान (३ र ४ धारापानीका) अग्नीपीडित हरुलाई लायन्स क्लब अफ अर्घाखाँचीले लत्ताकपडा कपडा सहयोग गरेको छ । आगो लागी वाट पिडित १२ घर परिवारहरुको लागी डोसेना १२ थान,सिरानी २४थान, सिरानीको खोल ४८ थान,तन्ना १२ थान ,थाल ३६ वटा,गिलास ३६ वटा,कचौरा ३६वटा, जग १२ वटा र पि र्फम २४ मिटर हस्तान्तरण गरिएको लायन्स क्लव अफ अर्घाखाँचीका अध्यक्ष प्रकाश परियारले जानकारी दिए ।
राहत वितरणमा लायन्स क्लबका रिजन चेयरप्रसन हरी प्रसाद भुसाल, डिस्ट्रक चेयरप्रशन कृष्ण प्रसाद भुसाल, क्लबका अध्यक्ष प्रकाश परियार, क्लबका सदस्य गोमा सापकोटा रेग्मी, दुर्गा बहादुर वि.क., लेखनाथ भुसाल लगायतको टोलि पुगेर राहत हस्तान्तरण गरेको हो । वितरण समारोहमा भुमिकास्थान नगरपालिकाका नगर प्रमुख झवि थापा,उपप्रमुख बालकृष्ण बन्जाडे संगै वडाअध्यक्षको उपस्थिती रहेको थियो ।
मानव सेवामा सर्मपित संस्था लायन्स क्लव अफ अर्घाखाँचीले जिल्लामा धेरै स्थानमा गरिव दुखि पडितहरुलाई सहयोग गदै आएको छ ।
