अर्घाखाँची, बालीका तथा किशोरीहरु माथीको बढ्दो हिंसा न्युनिकरण गर्न अर्घाखाँचीको छत्रदेव गाउँपालिकाले किशोरी आत्मरक्षा सम्बन्धी तालिमको सुरुवात गरेको छ ।
यौनजन्य तथा विभिन्न प्रकारका घटनाबाट किशोरीहरु कसरी सुरक्षित रहने र त्यस्ता घटनालाई न्यूनीकरण गर्ने उद्देश्यले छत्रदेव वडा नम्बर ४ केरुङगाको शारदा माध्यमिक विद्यालयमा ७ दिने आत्मरक्षा सम्बन्धी तालिमको सुरुवात गरीएको प्रमुख प्रशासकीय अधिकृत राजन पाण्डेले जानकारी दिए ।
किशोरीमाथि शारीरिक तथा मानसिक रुपमा हुने गरेका विभिन्न घटनाबाट सुरक्षित रहनका लागि तालिम प्रभावकारी हुने अपेक्षा गरीएको छ । गाउँपालिका भित्र रहेका माध्यमिक बिद्यालयमा अध्ययनरत छात्रा बिद्यार्थिहरु लाई लक्षितगरी तालिमको थालनी गरीएको सहायक महिला विकास निरीक्षक शारदा विकले जानकारी दिए ।
किशोरीमाथि कुनैपनी समयमा हुनसक्ने बलत्कार प्रयास,शारीरीक तथा मानसिक हिंसा लगायतको अबस्थामा स्वयंलेनै आत्मरक्षा गर्न सकोस् भन्ने उद्देश्यले तेक्वान्दो कराते जस्ता सिपको विकास गर्नेगरी तालिम सञ्चालन गरीएको छ ।
किशोरीमाथि शारीरिक तथा मानसिक रुपमा हुने गरेका विभिन्न घटनाबाट सुरक्षित रहनका लागि यो तालिम प्रभावकारी हुने गाउँपालिका अध्यक्ष चन्द्रमान श्रेष्ठले बताए।
गाउँपालिकाको महिला बालबालिका तथा समाजकल्याण शाखाको आयोजनामा सुरुभएको ७ दिने तालिम जेठ १२ गते सम्म संचालन हुने शाखा प्रमुख शारदा बिकले जानकारी दिइन्।
