अर्घाखाँची । नेपाल निजामती कर्मचारी संगठनका केन्द्रीय अध्यक्ष लेखनाथ कोइरालाले तल्लो वर्गका कर्मचारीलाइ नोक्कर मान्ने गरि संघिय निजामती कर्मचारी ऐन ल्याउन चाहेपछि खोजेपछि ऐन आउन ढिला भएको बताएका छन् ।
उनले भने “उच्च लेभलका प्रशासनिक व्यक्तित्व र उच्च लेवलका केही राजनितिक नेतृत्व जसले संघिय निजामती सेवा ऐन तपाइ हामी तल्लो वर्गका कर्मचारीलाइ नोकर र आफुहरु मालिक बन्ने गरि ल्याउन खोजेपछि समस्या उत्पन्न भएको हो ।”
नेपाल निजामती कर्मचारी संगठन अर्घाखाँचीले सन्धिखर्कमा गरेको जिल्ला स्तरीय प्रशिक्षण कार्यक्रमको उद्धाटन् गर्दै संगठनका केन्द्रीय अध्यक्ष कोइरालाले “कर्मचारीलाइ नोक्कर बनाउने कुरामा कर्मचारीका संघ, संगठनको विरोध भएपछि ढिला भएको हो ।”
“नोक्कर बन्न हामी तयार भएनौ सबैलाइ सम्मान गरेर यो ऐन ल्यायौ भनेउ त्यसैले त्यसमा भएका अनगिन्ती नमिल्ने कुराहरु डिलिट गर्न मान्नु भएन् । जसका कारण यो ऐन आउन ढिला भएको हो । अहिले धेरै नकारात्म कुराहरु डिलिट भएका छन् । हटाइएका छन् र यो विधेयक आएको छ । जसका कारण अहिले संसदमा प्रवेश गर्न सफल भएको छ ।” अध्यक्ष कोइरालाको भनाइ छ ।
प्रशिक्षण कार्यक्रमको उद्धाटन समारोहमा जिल्ला समन्वय समितिका प्रमुख जीवनारायण कोइराला, नेकपा एमालेका जिल्ला अध्यक्ष पिताम्वर भुसाल, उपाध्यक्ष इश्वरा पोख्रेल, सन्धिखर्क नगरपालिकाका नगर प्रमुख कृष्ण प्रसाद श्रेष्ठ, कोष तथा लेखा नियन्त्रण कार्यालयका प्रमुख छपिन्द्र वेल्बासे, नेपाल निजामती कर्मचारी संगठनका केन्द्रीय नेता दधिराम मरासिनी, केन्द्रीय सदस्य लुम्बिनी प्रदेश इन्चार्ज काशिराम आचार्य, केन्द्रीय सदस्य दिलिप केसी, नेत्रप्रसाद आचार्य, कर्मचारीको आधिकारिक ट्रेड युनियनका अध्यक्ष कृष्ण वर्मा, नेपाल पत्रकार महासंघका अध्यक्ष अशोक खनाल, प्रेस चौतारीका प्रदेश अध्यक्ष शोभाखर पन्थी लगायतले मन्तब्य राखेका थिए ।
कार्यक्रम नेपाल निजामती कर्मचारी संगठनका जिल्ला अध्यक्ष गणेश भण्डारीको अध्यक्षता, उपाध्यक्ष हरिस्चन्द्र पाण्डेको स्वागत मन्तव्य र सचिव पशुपति खनालको सञ्चालनमा सम्पन्न भएको हो ।
