अर्घाखाँची देशभर निरन्तर परीरहेको झरीका कारण मानविय तथा धनजनको क्षति भईरहेको अबस्थालाइ मध्यनजर गर्दै नेपाल बिद्यार्थि संघ अर्घाखाँचीले स्वयंसेवक परीचालन गर्ने निर्णय गरेको छ ।
नेपाल बिद्यार्थि संघ अर्घाखाँचीको असार २२ गते बसेको बैठकले यस्तो निर्णय गरेको बिशाल आचार्यले जानकारी दिएका छन् ।
ने वि संघ अर्घाखाँचीले एक बिज्ञप्ति जारी गर्दै बिपतमा सबैले साथ दिनुपर्ने अबस्थामा २९ सदस्य स्वयंसेवक परीचालन गर्ने गरी कार्यतालिका तय गरेको बताएको छ ।
नेपाल बिद्यार्थि संघ अर्घाखाँचीका अध्यक्ष कृष्ण भुसालको संयोजकत्वमा २९ सदस्यि परीचालन समिती गठन गरीएको हो ।
अर्घाखाँचीमा विगत पाँच दिनदेखी परेको लगातारको झरीले जनजिवन प्रभावित बनेको छ ।
लगातारको वर्षाले सडक अवरुद्ध गर्नुका साथै विद्युत, खानेपानीका क्षेत्रमा समेत असर पु¥याएको छ । जिल्लाको मुख्य सडक गोरुसिंगे–सन्धिखर्क सडकखण्डको आधादर्जन स्थानमा पहिरो खस्दा बाटो पटक पटक अवरुद्ध बनेको छ ।
यस्तै सदरमुकाम सन्धिखर्कबाट गाँउ जाने सडकहरु पनि अवरुद्ध हुँदा आवत जावतमा कठिनाई भएको छ । प्रदेश राजधानी जोड्ने गच्छे–भालुबाङ सडक, सन्धिखर्क–बलकोट–तम्घास सडक, सन्धिखर्क–पाल्पा सडक, सालझन्डी–सन्धिखर्क–ढोरपाटन सडक, सन्धिखर्क–असुरकोट–प्यँुठान सडकका कतीपय स्थानमा पहिरोले अवरुद्ध गरेको छ भने कतिपय स्थानमा हिलोले यात्रामा कठिनाई भएको छ ।
