अर्घाखाँची । पाणिनी गाउँपालिका अध्यक्ष टेकराज न्यौपानेले भाषण भन्दा पनि काम गर्नुपर्ने कुरामा जोड दिन आग्रह गरेका छन ।
पाणिनी गाउँपालिकाको स्वास्थ्य शाखाले आयोजना गरेको वार्षिक समीक्षा कार्यक्रमलाई सम्बोधन गर्दै अध्यक्ष न्यौपानेले यस्तो बताएका हुन । उनले स्वास्थ्य क्षेत्रको विकासका लागि सबै एक जुट हुनुपर्ने बताए । सबैको सहकार्य भएमा मात्र समग्र गाउँपालिकाको स्वास्थ्य क्षेत्रको बिकास हुने भन्दै एक आपसमा सहकार्य हुन औल्याएका हुन । उनले स्वास्थ्य क्षेत्रमा देखा परेका समस्या समाधानको निम्ता पहल भैरहेको भन्दै थप पहल गरिने बताए । उनले भने, “यहाँ प्रस्तुतीमा पनि देखिए बिभिन्न समस्या, यि समस्याको समाधानको लागि सबैको सहकार्य जरुरी छ । हामीले पहल गरिरहेकाछौँ ।”
अध्यक्ष न्यौपानेले वडाहरूकाे जनसङ्ख्याको वास्तविक तथ्याङ्क नभएको भन्दै त्यसको लागि महिला स्वास्थ्य स्वयमसेविकलाई परिचालन गरी वास्तविक तथ्याङ्क सङ्कलनमा लाग्नुपर्ने आवश्यकता रहेको बताए ।
