दाङ देउखुरीको चाहना , प्रवासमा सभ्य एवम् सुरक्षीत रोजगारको कामना ” भन्ने मुल नाराका साथ सन् २०१२ मा स्थापित दाङ देउखुरी सेवा समाज कतारले नेपाली नारीहरुको महान पर्व हरितालिका तिजको सु-अवसरमा गृह जिल्लामा ” गरिब तथा जेहेन्दार विद्यार्थीहरुका लागि छात्रवृत्ति कोष स्थापना गर्ने उद्देश्यले आयोजना गरेको ” तिज विषेश साँस्कृतिक कार्यक्रम ” यहि शुक्रबार सनैंया स्थित फुलबारी रेस्टुरेन्टको सभाहलमा गर्ने भएको छ ।
हरेक वर्ष जस्तै यो वर्ष पनि तिजको अवसर पारेर आयोजना गरिएको उक्त कार्यक्रममा सांगीतिक प्रस्तुति दिनका लागि विषेश आकर्षणका रुपमा नेपालबाट चर्चित कलाकार रिता के सि कतार आइपुगिसकेकी छिन् । केसि सङ्गै कतार मै श्रम गर्ने श्रमजीवी कलाकारहरुको समेत बेजोड साङ्गितिक प्रस्तुति रहने कुरा कार्यक्रम संयोजक मनिषा खड्काले बताएकी छिन् ।
कार्यक्रमको आम्दानीबाट गृह जिल्लामा रहेका गरिब तथा जेहेन्दार बिद्यार्थीहरुका लागि छात्रवृत्ति प्रदान गर्ने पवित्र उद्देश्य रहेकाले कतारमा स्थापित सम्पुर्ण संघ-संस्थाहरु , समाजका अग्रज , बुद्धिजीवी वर्गहरु , समाजसेवी तथा सामाजिक अभियान्ता ज्युहरु , पत्रकार ज्युहरु , कलाकार ज्युहरु लगायत दोहावासी सम्पुर्ण नेपाली जनहरुलाई उक्त कार्यक्रममा उपस्थिति जनाई शिक्षा लिन चाहने तर आर्थिक पक्ष कमजोर भएका विद्यार्थीहरुका लागि सहयोगी बनिदिनुहुनका लागी संस्थाका अध्यक्ष रण बहादुर केसीले आग्रह गरेका छन् ।
