अर्घाखाँची । अर्घाखाँची जिल्लाको पाणिनी गाउँपालिकाले गाउँपालिकाको पहिचान झल्किने लोगो बनाउनको लागि सूचना जारी गरेको छ।
गाउँपालिकाले आफ्नो इतिहास, सांस्कृतिक धरोहर, जनजीवन, भूगोल, कृषि, पर्यटन, सामाजिक, धार्मिक, र उद्योगसम्बन्धी पक्षलाई समेटेर प्रतीक चिन्हको डिजाइन तयार पार्न सार्वजनिक आह्वान गरेको हो।
गाउँपालिकाले जारी गरेको सूचनाअनुसार लोगो डिजाइन गर्दा नेपालको झण्डा र पाणिनी गाउँपालिकाको नामलाई अनिवार्य रूपमा समावेश गर्नुपर्ने, सांस्कृतिक, धार्मिक, जातीय समुदायका विशिष्ट पक्षहरूलाई झल्काउने तथा भूगोलिक अवस्थाका आधारमा सन्देश दिन सकिने डिजाइन हुनुपर्ने उल्लेख गरिएको छ।
प्रतियोगितामा सहभागी हुन चाहनेले ईमेलमार्फत प्रस्ताव पेश गर्न सक्नेछन्। उत्कृष्ट डिजाइन गर्नेलाइ १५ हजार नगद र प्रमाणपत्र प्रदान गरिने गाउपालिकाले जनाएको छ । जिल्लाका अधिकांस स्थानीय तहहरूले आफ्नो लोगो बनाइसकेका छन ।
