नेपाली कांग्रेस अर्घाखाँचीले यही असोज १८ गते राखेको शुभकामना आदानप्रदान कार्यक्रम स्थगित गरेको छ ।
अविरल बर्षाका कारण देशभर गएको बाढी र पहिरोका कारण देश नै राष्ट्रिय शोकमा परेकाले विजया दशमी, दिपावली र छठ पर्वको अवसरमा राखिएको शुभकामना आदान प्रदान कार्यक्रम स्थगित गरेको नेपाली कांग्रेस जिल्ला सचिव कृष्ण प्रसाद खनालले जारी गरेको विज्ञप्तीमा उल्लेख गरिएको छ ।
पार्टीले बाढी पहिरोका घटनामा ज्यान गुमाएकाहरु प्रति भावपुर्ण श्रद्धाञ्जली अर्पण गर्नुका साथै, घाइतेहरुको शिघ्र स्वास्थ्यलाभको कामना गरेको छ । घरबारविहीन भएकाहरुलाई तत्काल बास तथा राहातका कार्यक्रम सञ्चालन गर्न सरकार संग जोडदार माग पनि गरेको छ ।
