अर्घाखाँची । अर्घाखाँचीमा बसले पैदलयात्रीलाई ठक्कर दिदा एक जनाको मृत्यु भएको छ ।
सन्धिखर्क नगरपालिका वडा नम्बर ६ नरपानी बजारमा बसले पैदल यात्री लाई ठक्कर दिंदा एक जना बालिकाको मृत्यु भएको हो । साँझ पाँच बजे सन्धिखर्क गोरुसिङगे सडक खण्डमा बुटवलबाट सुपा देउराली दर्शनका लागी आएको लु २ ख १४१५ नं.को बसले एक्कासि पैदल यात्रिलाई ठक्कर दिंदा शितगङ्गा नगरपालिका वडा नगर ४ अमराई बस्ने १३ बर्षकी बिनिता बिक को जिल्ला अस्पताल सन्धिखर्क मा उपचारको क्रममा मृत्यु भएको जिल्ला प्रहरी कार्यालयले जनाएको छ ।
उक्त घटनामा सोहि वडाकी १० बर्षिया एलिना बिक घाईते रहेकी छिन । उनको थप उपचारका लागी जिल्ला अस्पताल सन्धिखर्क बाट बुटवल रीफर गरीएको प्रहरी नायब उपरीक्षक चक्र बहादुर मल्लले जानकारी दिए ।
पैदल यात्रीलाई ठक्कर दिने बस, चालक र गाडीधनी लाई नियन्त्रणमा लिई थप अनुसन्धान भईरहेको छ ।
