अर्घाखाँची। पाणिनी गाउँपालिकाले गाउँपालिकावासीका लागि स्वास्थ्य शिविर आयोजना गर्ने भएको छ।
पाणिनी गाउँपालिका र श्रवण हेयरिङ एण्ड चाहिल्ड केयर सेन्टरको आयोजनामा कान नसुन्ने तथा अटिजमका बिरामीहरुको लागि शिविर हुन लागेको हो । शिविर भदौ ६ गते बिहान ९ बजेबाट सुरु हुने छ । लुम्बिनी प्रदेशमै पहिलो पटक हुने यो शिविर आयुर्वेदिक औषधालयको भवन दुर्गाफाटमा हुने छ ।
शिविरमा विभिन्न कान नसुन्ने र अटिजम भएका बिरामी रोगका बिरामीहरुको उपचार गरिनेछ। यो शिविरमा कान नसुन्ने बिरामीहरुका लागि आवश्यकता अनुसार यन्त्र समेत बितरण गरिने आयोजकले जनाएको छ ।
यो शिविरले गाउँपालिकावासीलाई स्वास्थ्य सेवामा पहुँच पुर्याउन सहयोग पुग्ने विश्वास गरिएको छ।
