अर्घाखाँची । आसन्न आठौं पाणिनी कृषि, पर्यटन, उद्योग र व्यापार महोत्सवको तयारी तिव्र पारिएको छ ।
महोत्सवको तयारीलाई थप प्रभावकारी बनाउन आयोजक पाणिनी पर्यटन समाजले पाणिनी गाउँपालिकाको दुर्गाफाट क्षेत्रमा स्थानीय आमा समूह, कृषि समूह, क्लब, संघसंस्था तथा व्यवसायीहरूसँग अन्तरक्रिया गरेकाे छ। अन्तरक्रियामा स्थानीय उत्पादक, व्यवसायी, सांस्कृतिक समूह तथा विभिन्न संघसंस्थाका प्रतिनिधिहरूको सहभागिता रहेको थियो।
कार्यक्रममा महोत्सवको व्यवस्थापन, स्थानीय उत्पादन तथा हस्तकला प्रवर्द्धन, पर्यटक आकर्षणका उपाय, सेवा तथा सुरक्षाको व्यवस्था लगायतका विषयमा छलफल भएको थियो। सहभागीहरूले महोत्सवलाई व्यवस्थित तथा आकर्षक बनाउन आवश्यक उपायहरू प्रस्तुत गर्दै स्थानीय तह तथा आयोजक समितिलाई सहकार्यका लागि प्रतिबद्धता जनाएका थिए।
पाणिनी गाउँपालिकाको ऐतिहासिक, सांस्कृतिक तथा पर्यटकीय पहिचानलाई उजागर गर्न महोत्सव महत्त्वपूर्ण हुने आयोजकहरूले बताएका छन्। महोत्सव आगामी फागुन ६ गतेदेखि १८ गतेसम्म आयोजना हुँदैछ, जसमा कृषि, पर्यटन, व्यापार तथा सांस्कृतिक कार्यक्रमहरू प्रमुख आकर्षण हुनेछन्।
