प्युठान, ऐरावती गाँउपालिका वार्ड नं.३ मा निशुल्क पशु स्वास्थ्य शिविर सम्पन्न भएको छ ।
ऐरावती गाँउपालिका,हेफर प्रोजेक्ट नेपालको सहयोगमा मल्लरानी ग्रामिण विकास सरोकार केन्द्र प्युठानको सहजिकरणमा सञ्चालित कृषि तथा पशु विकासमा आधारीत साना किसान तथा युवा उद्यमशिलता विकास परीयोजना अन्र्तरगत वार्ड नं. ३ को तालपोखरामा निशूल्क पशु स्वास्थ्य शिविर सम्पन्न भएको प्राविधिक संयोजक खिमराज श्रेष्ठले जानकारी दिनुभयो ।
वार्ड नं. ३ का तालपोखरा,अर्झाम,निनिखर्क,दिप,कमिरे,उपल्लो अर्झाम लगायतका स्थानका सेवाग्राहिले उक्त शिविरबाट सेवा लिएको वार्ड अध्यक्ष पदम बहादुर जि.सी ले जानकारी दिनुभयो ।
शिविरमा पशु बस्तुमा हुने बिभिन्न रोग बिरुद्धका औषधि निशुल्क वितरण,पशु पालन सम्बन्धि प्राविधिक ज्ञान,खसि बनाउने,विरामि पशुको उपचार लगायतका सेवा प्रदान गरीएको थियो ।
कार्यक्रममा वार्ड अध्यक्ष पदम बहादुर जि.सी., वार्ड सचिव लिलामणि सुनार,वडा कार्यलयमा कार्यरत पशु प्राविधिक रचना डंगौरा,ग्रामिण पशु स्वास्थ्य कार्यकर्ता विनोद कंडेल लगायत परीयोजनामा कार्यरत प्राविधिक तथा कर्मचारीहरुको उपस्थिती रहेको थियो ।
