अर्घाखाँची । पाणिनि गाउँपालिकामा स्थानीयवासीका लागि निःशुल्क आँखा उपचार तथा स्क्रिनिङ सेवा सञ्चालन गरिने भएको छ।
पाणिनी गाउँपालिकाको पहल, नेपाल नेत्रज्योति संघ, लुम्बिनी आई संस्था आँखा उपचार केन्द्र, सन्धिखर्क अर्घाखाँचीको प्राविधिक सहयोग तथा सेवा नेपालको उपकरण सहयोगमा प्रत्येक शुक्रबार निःशुल्क आँखा उपचार तथा स्क्रिनिङ सेवा सञ्चालन गरिने भएको हो । याे सेवा असार ६ गते शुक्रबारबाट सुरू हुनेछ ।
हाललाई गाउँपालिकाको वडा नं. ३ स्थित आयुर्वेदको भवन बरकारुख मार्फत विशेष आँखा उपचार सेवा सञ्चालन गरिने जनाइएको छ । १५ सैयाको अस्पताल निर्माण भएपछि सो सेवा नियमित सोहि अस्पतालबाट सुचारु गरिने पाणिनि गाउँपालिकाका स्वास्थ्य शाखा प्रमुख शेषकान्त घिमिरेले जानकारि दिए ।
शिविरमा आँखासम्बन्धी विभिन्न रोगहरूको प्रारम्भिक परीक्षण, उपचार र आवश्यक परे सर्जरीका लागि रिफर गरिने सेवा उपलब्ध गराइनेछ।
