नेपाली महिला समाजको चाहना,एकता र सहयोगको विशुद्ध सामाजिक भावना भन्ने मुल नाराका साथ स्थापित नेपाली महिला समाज कतारले १४ औं स्थापना दिवस यहि शुक्रबार दोहाको मुन्ताजा स्थित गोर्खाली रेस्टुरेन्टमा मनाउने भएको छ।
समाजले स्थापना दिवसको अवसरमा केवल मनोरञ्जन मात्रै नभएर आफ्नो अमुल्य समय दिएर कार्यक्रममा उपस्थित हुने दिदिबहिनीहरुको समयको कदर गर्दै सचेतनाका सेसन समेत राखेको हो ।
कार्यक्रम आन्तरिक भएकोले कुनै पनि संघ-संस्थाहरुलाई संस्थागत पत्राचार नगरिएको कुराको जानकारी गराउँदै कतारमा बसोबास गर्नुहुने सम्पुर्ण नेपाली दिदिबहिनीहरुलाई कार्यक्रममा उपस्थित भई कार्यक्रमलाई भव्य रुपमा सफल बनाइदिनु हुनका लागि समाजका अध्यक्ष श्री माया के .सी ले अनुरोध समेत गरेकी छिन।
