इमरान खान कपिलवसतुको सदरमुकाम तौलिहवा चार नम्बर सडक खण्ड अन्तर्गत कपिलवस्तु नगरपालिका वडा नम्बर १० पचेहरा हाट बजार नजिकै बिहीवार साझ ६ बजेतिर बिस्फोट हुदा मुख्य सडक ध्वस्त भएको छ ।
स्थानीयबासीहरुका अनुसार त्यहा ६ बजेर बजेर १० मिनेट तिर ठुलो आवजाले बम बिस्फोट भएको र बमको छर्रा टाढाटाढा पुगेको बताए । प्रहरीले भने सडक भित्र दबेर रहेको बिस्फोटजन्य पदार्थ आफै बिस्फोट भएको छ । बिस्फोटले १० फिट जति खाल्टो र चार फिट चौडा बराबर सडक ध्वस्त भएको छ । प्रहरी नायब उपरिक्षक रिपेन्द्र कुमार सिंहले सडकमा दबेर रहेको बिस्फोट जन्य पदार्थ बिस्फोट भएको बताए ।
मानवीय क्षति भने नभएको उनले बताए । घटना स्थलमा प्रहरी पुगी सकेको उनले बताए । वडाध्यक्ष मोहनलाल शर्माले सडकमा ठूलो बिस्फोट भएको तर मानवीय क्षति नभएको बताए । घटनाको अनुसन्धान भईरहेको प्रहरीले जनााएको छ ।
