समाचार सारांश Auto Generated by AI
- पाणिनि गाउँपालिका-७ मा फोर्स गाडी दुर्घटना हुँदा ६ जना घाइते भएका छन्।
- नेपालगन्जबाट पोखराथोकका लागि रिजर्भमा आएको भे १ ख ४१३५ नम्बरको फोर्स गाडी दुर्घटनामा परेको हो।
- गाडीको ब्रेक फेल भई सडकको भित्तामा ठोक्किँदा दुर्घटना भएको प्रहरीको अनुमान छ।
अर्घाखाँची । पाणिनि गाउँपालिका-७ मा फोर्स गाडी दुर्घटना हुँदा ६ जना घाइते भएका छन् ।
नेपालगन्जबाट पाणिनि गाउँपालिकाको पोखराथोकका लागि रिजर्भमा आएको भे १ ख ४१३५ नम्बरको फोर्स गाडी साेमबार दिउसो ४ बजेपिछको समयमा पाणिनि – ७ अड्गरीस्थित ढाक्रेबास भन्ने स्थानमा दुर्घटनामा परेको हो । प्रहरी चौकी पालीका अनुसार गाडीको ब्रेक फेल भई सडकको भित्तामा ठोक्किँदा दुर्घटना भएको हो ।
दुर्घटनामा घाइते भएका ६ जनाको अवस्था सामान्य रहेको प्रहरीले जनाएको छ । उनीहरूलाई उद्धार गरेर उपचारका लागि सन्धिखर्क पठाइएको थियो । उपचारपछि सबैलाई डिस्चार्ज गरिएको प्रहरीको भनाइ छ ।
दुर्घटनापछि वडा अध्यक्ष गुनाखर अधिकारी सहित स्थानीय बासिन्दा र प्रहरीले तत्काल उद्धार कार्य गरेका थिए। । गाडीमा बालबालिका सहित २४ जना यात्रु सवार रहेका थिए ।
