काठमाडौं । विश्व गुरु गोरक्षनाथद्वारा निर्देशित विचारसहित अघि बढिरहेको विश्व हिन्दु युवा संघ–राष्ट्रिय तथा अन्तर्राष्ट्रिय समितिले अर्घाखाँचीका अनन्तप्रसाद घिमिरेलाई सूचना तथा सञ्चार विभागको प्रमुखमा मनोनित गरेको गरेको छ ।
समितिले जारी गरेको औपचारिक पत्रमा घिमिरेले ज्ञान, मानवीय मूल्य, राष्ट्रियता, मानवता र विश्व शान्तिको अभियानमा देखाउँदै आएको सक्रियता, प्रतिबद्धता र योगदानका आधारमा यो महत्वपूर्ण जिम्मेवारी प्रदान गरिएको उल्लेख छ ।
वेद–वाङ्मयमा आधारित सिद्धान्तलाई आत्मसात गर्दै विश्व शान्तिको लक्ष्यसहित अघि बढिरहेको समितिले घिमिरेको नियुक्तिले संस्थागत सञ्चार व्यवस्थापन, सूचना प्रसारण र संगठनको राष्ट्रिय–अन्तर्राष्ट्रिय पहुँच विस्तारमा नयाँ ऊर्जा प्राप्त हुने विश्वास व्यक्त गरेको छ । घिमिरेलाई समितिका अध्यक्ष ऋषिकेशजङ्ग शाहले बधाई तथा सफल कार्यकालको शुभकामना प्रदान गरेका छन् ।
घिमिरे विगत लामोसमयदेखि विभिन्न राष्ट्रिय सन्चारमाध्यमहरुमा समेत क्रियाशिल रहेका छन् । उनि अर्घाखाँचीकाे पाणिनिबाट संचालित नागरिक टेलिभिजनका सम्पादक, समाचारपाेष्ट डटकमका भाषा सम्पादक समेत हुन् ।
