समाचार सारांश
Auto Generated by AI
- अर्घाखाँचीको सन्धिखर्कमा टिप्परको ठक्करबाट पैदल यात्रीको मृत्यु भएको छ।
- दुर्घटनामा गम्भीर घाइते भएका ३२ वर्षीय उमेश खत्रीको उपचारका क्रममा ज्यान गएको हो।
- ठक्कर दिने टिप्पर प्रहरीले नियन्त्रणमा लिए पनि चालक फरार रहेका छन्।
अर्घाखाँची । अर्घाखाँचीको सन्धिखर्क नगरपालिका–९ टारीमा टिप्परको ठक्करबाट एक पैदल यात्रीको मृत्यु भएको छ।
शुक्रबार साँझ करिब ७ बजेर २० मिनेटको समयमा सालझण्डी–ढोरपाटन सडकखण्ड अन्तर्गत हंसपुरबाट टारीतर्फ आउँदै गरेको लु १ क ५१३३ नम्बरको बालुवा लोड गरेको टिप्परले पैदल हिँडिरहेका मालारानी गाउँपालिका–५ निवासी अन्दाजी ३२ वर्षीय उमेश खत्रीलाई ठक्कर दिएको थियो।
दुर्घटनामा खत्रीको बाँया हात र टाउकोमा गम्भीर चोट लागेको थियो। घाइते खत्रीलाई उपचारका लागि जिल्ला अस्पताल सन्धिखर्क पठाइएकोमा साँझ ८ बजेर २० मिनेटको समयमा चिकित्सकले मृत घोषणा गरेका थिए।
प्रहरीले ठक्कर दिएको टिप्पर मालारानी गाउँपालिका–५ बागी क्षेत्रबाट नियन्त्रणमा लिएको छ भने चालक फरार रहेको र खोजतलास जारी रहेको जिल्ला प्रहरी कार्यालय अर्घाखाँचीले जनाएको छ।
