- अर्घाखाँचीको छत्रदेवमा सर्पले टोक्दा २३ वर्षीय पुष्कर कुमालको मृत्यु भएको छ।
- घरभित्र भेटिएको सर्पलाई हातले समातेर फाल्ने क्रममा उनलाई सर्पले टोकेको थियो।
- टोकाइपछि ढिलो गरी उपचारका लागि बुटवल लगिएका उनको अस्पतालमा मृत्यु भयो।
अर्घाखाँची । अर्घाखाँचीमा सर्पको टोकाइबाट एकयुवाको मृत्यु भएको छ ।
जिल्लाको छत्रदेव गाउँपालिका–१ चिदिकामा घरभित्र भेटिएको सर्पलाई हातले समातेर बाहिर फाल्ने क्रममा सर्पको टोकाइबाट एक युवकको मृत्यु भएको हो । मृत्यु हुनेमा छत्रदेव गाउँपालिका–१ चिदिका निवासी २३ वर्षीय पुस्कर कुमाल रहेका छन्।
प्राप्त जानकारीअनुसार असार १९ गते राति करिब ९ बजे आफ्नै घरभित्र देखिएको सर्पलाई हटाउने क्रममा कुमालले सर्पलाई नाङ्गो हातले समातेर नजिकैको झाडीमा फाल्न खोजेका थिए। सोही क्रममा सर्पले उनको हातमा टोकेको बताइएको छ।
सर्पले टोकेपछि उनले तत्काल परिवारका सदस्य वा छिमेकीलाई जानकारी नदिई रातभर घरमै आराम गरेका थिए। तर, सनिबार बिहान स्वास्थ्य अवस्था थप जटिल बन्दै गएपछि मात्र उनले परिवारलाई घटनाबारे जानकारी गराएका थिए।
त्यसपछि परिवारले तत्काल उपचारका लागि लुम्बिनी प्रादेशिक अस्पताल, बुटवल पुर्याएका थिए। अस्पतालले उपचारका क्रममा उनलाई मृत घोषणा गरेको जनाएको छ। घटनाबारे थप अनुसन्धान भइरहेको प्रहरीले जनाएको छ।
