अर्घाखाँची । राष्ट्रिय प्रजातन्त्र पार्टीका लुम्बिनी प्रदेश अध्यक्ष प्रदिपराज उदयले राप्रपाले प्रतिनिधि सभामा बहुमत पाए पहिलो निर्णयबाट नै संघियता खारेज गर्ने बताएका छन् ।
राप्रपाले अर्घाखाँचीमा गरेको पत्रकार भेटघाट कार्यक्रममा बोल्दै उदयले यस्तो बताएका हुन् । देशले संघियता धान्न नसक्ने भएको भन्दै उनले राप्रपाको उदेश्य मध्येको एक संघियता खारेज पनि रहेको बताए । तर यसको लागि प्रतिनिधि सभामा बहुमत हुनुपर्ने भएकोले सबै कार्यकर्ताहरुलाई एकजुट भएर निर्वाचनमा लाग्न र प्रचारप्रसार गर्न निर्देशन समेत दिएका छन ।
यस्तै उनले गठबन्धनका नाममा ठुला भानौदा दलहरुले भ्रम छरीरहेको आरोप समेत लाएका छन् । गठबन्धनको सरकारले जनतालाई ठगीरहेको भन्दै जनता राप्रपालाई भोट दिन आतुर रहेको बताएका छन् । देश बनाउन राप्रपाको आबश्यकता रहेको जिकिर गर्दै राप्रपाले हारे देशले हार्ने उनको तर्क छ ।
