अर्घाखाँची । अर्घाखाँची जिल्लाको पाणिनी गाउँपालिका वडा नं. ६ धातिवाङ्गमा रहेको श्री सिद्धेश्वर बहुउद्देश्यीय सहकारी संस्था लिमिटेडले प्रथम वार्षिक साधारण सभा सम्पन्न भएको छ ।
साधारण सभामा पाणिनी–६ का वडा अध्यक्ष कृष्णप्रसाद पौडेलले विकासको मेरुदण्ड सहकारी भएको बताए । ‘सहकारी जनताले आफै सञ्चालन गरेर लगानी गरी उत्पादन भएका वस्तुको प्रयोग गर्न र भविष्यमा आफनो इच्छा पूरा गर्न सहकारी आवश्यक रहेको वडाअध्यक्ष पौडेलको भनाई छ । उनले कृषि र पशुपालनको क्षेत्रका कार्यक्रम प्रभावकारी रुपमा सञ्चालन गर्न सहकारीको भुमिका महत्वपुर्ण हुने बताए ।
कार्यक्रमका विशिष्ट अतिथी जिल्ला सहकारी संघका अध्यक्ष प्रकाश भुसालले ‘सहकारी पैसा नहुनेहरुका लागि सबै भन्दा राम्रो र भरपर्दो संस्था भएको बताए । उनले ‘हरेकको खर्चो टार्ने, थोरै बचत गर्ने र भविष्यलाई जोहो गर्ने माध्यम नै सहकारी रहेको बताए ।
कार्यक्रममा शिखर इन्स्योरेन्स अर्घाखाँचीका प्रमुख लक्ष्मण केसीले विमा अनिवार्य भएको बताउँदै कृषकको उत्पादनसँग जोडिन इन्स्योरेन्सको भुमिका महत्व हुने बताए । निर्जिवन विमा कम्पनीले कृषकको जोखिमलाई ध्यान दिदैँ गरेको विमा प्रभावकारी हुने बताए ।
कार्यक्रमममा पाणिनी गाउँपालिका कार्यपालिका सदस्य तारा पौडेल, अर्घाखाँची युवा परिषद्का अध्यक्ष काजी श्रेष्ठ, लेकाली कृषि सहकारी संस्था निगालीका अध्यक्ष भोजराज घिमिरे, समाजसेवी तथा शेयर सदस्य थानिश्वर पौडेल, टामलाल पौडेल, तारापती पौडेल, झविन्द्रप्रसाद पौडेलले शुभकामना मन्तव्य राखेका थिए । सोही अवसरमा सहकारीका ऋण लगानी तथा असुली उपसमितीका सदस्य रविलाल पौडेललाई सम्मान गरिएको छ ।
कार्यक्रम श्री सिद्धेश्वर बहुउद्देश्यीय सहकारी संस्थाका अध्यक्ष घनश्याम पौडेलको अध्यक्षता, कोषाध्यक्ष मित्रदेव पौडेलको सञ्चालन र सदस्य अमृता पौडेलको स्वागतमा सम्पन्न भएको हो ।
