अर्घाखाँची । पाणिनी गाउँपालिकाको दुर्गाफाँटमा अपाङ्गता परिचयपत्र सिविर सम्पन्न भएको छ ।
पाणिनी गाउँपालिकाको कार्यालय, दुर्गाफाँटमा अपाङ्गता परिचयपत्र सिविर सम्पन्न भएको हो । सिविरमा गाउँपालिका भित्र रहेका अपांगहरुलाई क, ख, ग र घ वर्गमा बर्गीकरण गरीएको छ । सिविरमा १ सय ४१ जना अपांगहरुको परिक्षण गरी अपांगताको अवस्थाको आधारमा ७९ जना आंगहरुलाई परिचयपत्र बितरण गरीएको पाणिनी गाउँपालिकाका प्रमुख प्रशासकिय अधिकृत हुमलाल भुसालले जानकारी दिए ।
भुसालका अनुसार ४ जना महिला ५ जना पुरुष गरी ९ जनालाई क वर्ग, १२ जना महिला २३ जना पुरुष गरी ३५ जनालाई ख वर्ग, ५ जना महिला ११ जना पुरुष गरी १६ जनालाई ग वर्ग र ५ जना महिला १४ जना पुरुष गरी १९जनालाई घ वर्गमा बर्गिकरण गरी परिचय पत्र बितरण गरीएको छ ।
अपाङ्गताको प्रकृति र्विगकरण र अवस्थाको आधारमा अपाङ्गता भएका ब्यक्तीले पाउने सेवा सुविधा र अवसरको प्राथमिकिकरण गर्न सहज होस भनि अपांग परिचयपत्र बितरण गर्ने गरन्छि । पुर्ण असक्त अपांगतालाई क वर्ग, अति असक्त अपांगतालाई ख वर्ग, मध्यम अपांगतालाई ग वर्ग र सामान्य अपांगतालाई घ वर्ग गरी बर्गिकरण गरीएको छ ।
