अर्घाखाँची । अर्घाखाँचीमा गठबन्धनका बागी उम्मेदवार रामबहादुर चौहानले उम्मेदवारी निष्क्रिय पारेका छन ।
निर्वाचनको २१ दिन बाकीँ रहदाँ अर्घाखाँचीको प्रदेश सभा (क) मा एकिृकत समाजवादीका तर्फबाट उम्मेदवारी दर्ता गरेका राम बहादुर चौहानले आफ्नो उम्मेदवारी निष्क्रिय पारेका हुन् । उम्मेद्वारी निष्क्रिय पारे संगै उनले गठबन्धनका साझा उम्मेदवार जनमोर्चाका सागर केसिलाइ समर्थन गर्ने बताएका छन् ।
आइतबार सन्धिखर्कमा भएको पत्रकार सम्मेलनमा बोल्दै चौहानले उम्मेदवारी निष्क्रिय पारेर प्रतिगमनका विरुद्ध एकतावद्ध भएर लाग्ने बताए । केपी ओलीले गरेको संसद विघटन संविधान विरोधी भएकाले गठबन्धनको तर्फबाट प्रतिनिधी सभाका उम्मेदवार पुष्पा भुसाल, प्रदेश सभा (क) मा जनमोर्चाका सागर केसी र प्रदेश सभा (ख) मा काँग्रेसका कमल भुसालको जित अपरिहार्य रहेको बताए ।
गठबन्धनको जितका लागी उम्मेदवारी फिर्ता लिएको भन्दै चौहानले उम्मेदवारी निष्क्रिय पार्न आर्थिक चलखेल नगरेको समेत बताए । उनले यो समयमा अर्थिक चल्खेल गर्नु भनेको आमाको रगत खानु सरह हो भन्दै आफुले त्यस्तो नगरेकोले अनावश्यक भ्रम नछर्न समेत आग्रह गरेका छन् ।
गठबन्धनका साझा उम्मेदवारको रुपमा प्रदेश क मा जनमोर्चाका सागर केसिलाई तोकिएको भए पनि एकीकृत समाजबादिका जिल्ला अध्यक्ष समेत रहेका चौहानले गठबन्धनको निर्णय बिरुद्द उमेदवारि दर्ता गरेका थिए ।
