अर्घाखाँची ।
नेपाल कम्युनिस्ट पार्टी (बहुमत) लगायतका ३ राजनीतिक दलद्वारा अर्घाखाँचीकाे सन्धिखर्कमा १३० औं माओे दिवस मनाउने कार्यक्रम सम्पन्न भएको छ ।
कार्यक्रममा मन्तब्य राख्दै नेकपा मशालका प्रतिनिधि कृष्ण केसीले माओले शाेषक र शाेषित वर्गको उत्थानका लागि निरन्तर लडेर कम्युनिस्ट पार्टीकाे निर्माण भएको उल्लेख गर्दै अहिले नेपालमा क्रियाशील प्रायः कम्युनिस्ट पार्टीहरु भने सिद्धान्त र जनताको भावना विपरित रहेको बताएका छन् । माओ कम्युनिस्टका स्मरणयाेग्य एवं अनुकरणीय पात्र समेत रहेको हुँदा नेपालमा रहेका कम्युनिष्टहरु माओकाे भनाइ अनुसार चल्नुपर्ने उनले बताए।
कार्यक्रममा बोल्दै क्रान्तिकारी माओवादीका जिल्ला सेक्रेटरी टंकमान राउतले सच्चा कम्युनिस्ट बन्न अहिलेका नामधारी कम्युनिस्टहरुलाइ आग्रह गरेका छन् । त्यस्तै नेकपा मशालका जिल्ला सदस्यले उत्पीडनमा परेका वर्गको उत्थानका लागि माओ सदैब लागेको बताउदै माओकाे जिवनीलाइ सबैले आत्मसात गनुपर्ने बताए ।
उक्त कार्यक्रम नेकपा मशालका प्रतिनिधि नरेन्द्र बहादुर थापाकाे अध्यक्षता, सदस्य गगाराम भुसालको सञ्चालन एवं माओवादी नेता नम बहादुर घर्ती मगरको स्वागत मन्तब्यमा सम्पन्न भएको थियो
