अर्घाखाँची । अर्घाखाँचीमा भालुको आक्रमणबाट २ जना घाइते भएका छन् । जिल्लाको शितगंगा नगरपालिकामा भालुको आक्रमणबाट २ जना घाइते भएका हुन् ।
घाइते हुनेमा शितगंगा नगरपालिका ७ का ५९ वर्षीय चोपबहादुर गाहा र ५० वर्षीय लालबहादुर राना रहेको प्रहरीले जनाएको छ । खेतमा बस्तुभाउ चराउँदै गर्दा गाहा र रानालाई शुक्रबार दिउँसो भालुले आक्रमण गरेको थियो ।
घाइते दुवै जनालाई उपचारका लागि लुम्बिनी प्रादेशिक अस्पताल बुटवल ल्याइँदै गरिएको छ । आक्रमण पछि स्थानीयले होहल्ला गर्दा भालु भागे पनि भालुको एउटा बच्चालाई नियन्त्रणमा लिएर प्रहरीलाई बुझाइएको छ ।
