बुटवल । प्रधानमन्त्री पुष्पकमल दाहालले अबको दुई दिन भित्र सरकारले पूर्णता पाउने बताएका छन् ।
प्रधानमन्त्रीले चैत १७ मा मन्त्रिपरिषद बिस्तार गरे पनि पूर्णता पाएको छैन। प्रधानमन्त्री दाहालले ६ मन्त्रालय अझै आफैंसँग राखेका छन्।
प्रधानमन्त्री दाहालले सरकारले लगभग पूर्णता पाइसकेको र अबको दुई दिन भित्रमा पूर्ण रुपमा सरकार बिस्तार हुने बताए । उनले अब सरकारको ध्यान पूर्णरुपमा सरकारको नीति बनाउने र बजेट निर्माणमा नै केन्द्रित हुने समेत बताए ।
उनले अबको बजेटमा गुणात्मक रुपमा र जनताले केही राहत पाउनेगरी बजेट निर्माण गर्ने प्रतिवद्धता जनाए । प्रधानमन्त्री बनेर पाएको सरकार सञ्चालन गर्ने अवसर चुनौतिपूर्ण रहेकाे भन्दै प्रधानमन्त्री दाहालले आफ्नो कार्यकालमा जनतामा आशा जगाउने अधिकतम काम प्रतिबद्दता जनाए ।
