अर्घाखाँची । अर्घाखाँचीमा एक सहकारीको कार्यालयबाट नगद तथा सिसिक्यामराको हार्डडिक्स चोरी भएको छ ।
जिल्लाको सन्धिखर्क नगरपालिका वडा नं. ६ नरपानीमा रहेको साना किसान कृषि सहकारी संस्था लिमिटेडको कार्यलयमा चोरी भएको हो । आईतबार राति कार्यालयबाट नगद चोरि भएको सहकारिका कम्प्युटर अपरेटर प्रकाश महत्राले जानकारी दिए ।
महत्राका अनुसार सहकारि सस्थाको कार्यलय भित्रको लकरमा रहेको ६ लाख ६३ हजार ८ सय १० रुपैयाँ नगद र सिसिटिभि क्यामराको हार्डडिक्स चोरि भएको हो । “आईतबार राति नै कार्यालयको चाबी तोडफोड गरी चोरी भएको रहेछ, सोमबार सार्वजनिक बिदाको कारण हामी अफिस आएनौ मंगलबार मात्र थाहा पायौँ” महत्राले भने ।
घटनाबारे जिल्ला प्रहरी कार्यालयले अनुसन्धान गरीरहेको छ ।
