भ्रष्टाचारीलाई उन्मुक्ति दिनु हुदैनः विष्णु  पाेख्रेल

नेपाली कांग्रेसका युवा नेता बिष्णु पोख्रेलले आफ्नो र अरुको भन्ने बहानामा भ्रष्टाचारीले उन्मुक्ती पाउन नहुने बताउनु भएको छ ।
उहाँले ‘भ्रष्टाचारीलाई आँखा चिम्लिएर कारवाही गर्नुपर्छ,उहाले भन्नुभयाे,‘आँखा खोल्यो भने निष्पक्ष नहुन सक्छ त्यसैले आँखा चिम्लिनै पर्छ ।’
भ्रष्टाचारीलाई आँखा चिम्लिएर कारवाही गर्नुपर्ने बताउनु भएको छ। उहाँले भ्रष्टाचारीलाई यो वा त्यो बहानामा उन्मुक्ती दिन नहुने बताउनुभयो ।
अर्घाखाँचीकाे सन्धिखर्कमा नेपाली कांग्रेसका भातृ संस्थाहरुले आयोजना गरेको भ्रष्टाचार विरुद्धको विरोध सभालाई सम्बोधन गर्दै युवा नेता  पोख्रेलले भ्रष्टाचारीको कुनै पार्टी, धर्म र आस्था नहुने भएकोले  जो सुकै भएपनि कारवाही गर्नुपर्ने बताउनुभयाे ।
उपप्रधानमन्त्री समेत भईसकेका व्यक्तीको नाम किर्ते काम र भ्रष्टाचारमा मुछिनु दुखद भएको भन्दै उहाँले यो अर्घाखाँचीका जनताको विश्वास माथी ठुलो बेईमानी भएको बताउनु भयाे  । चार–चार पटक जिल्लाले जिताएर पठाएका सांसदले अमानविय कार्य गरेको जनताले माफ नगर्ने बताए।
कांग्रेस लुम्बिनी प्रदेश सदस्य समेत रहेका पोख्रेलले कांग्रेसमा रुपान्तरणको खाँचो रहेकाले त्यसका लागी आफुहरु लागी परेको बताए । पुरानै ढाँचाले पार्टी अँघी बढ्न नसक्ने भन्दै उनले नेतृत्वले गम्भिर भएर सोंच्नु पर्ने बताए ।