अर्घाखाँची । शुक्रबार बिहानदखि परेको अविरल बर्षाका कारण गोरुसिंगे सन्धिखर्क सडक अबरुद्ध भएको छ ।
जिल्लाको सन्धिखर्क नगरपालिका ६ को बहखोर र शितगंगा नगरपालिका २ को भुवनपाटामा गएराती पहिरो खसेपछि सडक अबरुद्ध भएको जिल्ला प्रहरी कार्यालय अर्घाखाँचीका प्रहरी नायव उपरिक्षक मुकुन्द रिजालले जानकारी दिए । सडकखण्ड अन्तर्गत धेरै स्थानहरूमा साना तथा ठुला पहिराे खसेर बाटाे अबरुद्ध छ । अबरुद्ध सडक खुलाउने कार्य भइरहेको रिजालले बताए ।
यस्तै गोरुसिंगे सन्धिखर्क सडकको सन्धिखर्क ६ दहखोला र शितगंगा १३ कोन्द्रेखोलामा खसेको पहिरो हटाइ सकिएको प्रहरी नायव उपरिक्षक रिजालले बताए ।
सडक अबरुद्ध बनेपछि जिल्ला बाहिर जाने र बाहिरबाट जिल्ला आउने यात्रुहरु बिचबाटोमा रोकिएका छन् । अत्यावश्यक बाहेकका काममा यात्र नगर्न प्रहरीले अनुराेध समेत गरेकाे छ ।
