बागलुङ । बाबुआमाले खोसाखोस गर्दा दुई महिने बालकको मृत्यु भएको छ।
बागलुङको निसीखोला गाउँपालिका–४ बडाचौरका बिरु बिक र उनकी श्रीमती सबिनाले तानातान गर्ने क्रममा बालकको ज्यान गएको हो ।
गत साउन १८ गते बेलुकी घरमै उनीहरूबीच विवाद भएको थियो । विवाद बढेसँगै उनीहरूले तानातान गर्ने क्रममा बालक भुईँमा बजारिएर घटनास्थलमै मृत्यु भएकाे जिल्ला प्रहरी कार्यालय बागलुङका सूचना अधिकारी प्रहरी नायब उपरीक्षक मदन केसीले जानकारी दिए ।
प्रहरी नायब उपरीक्षक केसीका अनुसार उनीहरूलाई कानुन बमोजिम साउन १९ गते नियन्त्रणमा लिई आइतबार ज्यानसम्बन्धी कसुरमा मुद्दा दर्ता गरि बागलुङ जिल्ला अदालतबाट पाँच दिनको म्याद थप गरी अनुसन्धान चलिरहेको छ।
