कोशी ब्यारेजका ५६ वटै ढोका खोलियो

काठमाडौं । कोशी ब्यारेजका ५६ वटै ढोका खोलिएको छ ।

पानीको बहाव बढेपछि गएराति नै ५६ वटै ढोका खोलिएको सुनसरीकी प्रमुख जिल्ला अधिकारी हुमकला पाण्डेले जानकारी दिइन्।

ब्यारेजमा खतराको संकेतस्वरूप रातो बत्ती बालिएको जानकारी दिँदै आज बिहान पानीको बहाव प्रतिसेकेणड ३ लाख ८३ हजार ८०५ क्यूसेक मापन भएको छ ।

यद्यपि अब पानीको बहाव पनि घट्दै गएको र खतराको संकेत टर्दै गएको प्रमुख जिल्ला अधिकारी पाण्डेले बताइन्। कोशी प्रदेशमा आज पनि भारी वर्षाको सम्भावना रहेको मौसम पूर्वानुमान महाशाखाले जनाएको छ।