दोरेन्द्र खड्का
बझाङ । एकिकृत सरकारी कर्मचारी सँगठनले भुकम्प पिडितहरुलाइ राहत बितरण गरेको छ ।
जिल्लाको थलारा गाउँपालिका वडा नं. ९ का ३० परिवार भुकम्प पिडितहरुलाई एकिकृत सरकारी कर्मचारी सँगठनले राहत स्वरुप फाइबर सिरक बितरण गरेको हो । असोज १६ गते गएको भुकम्पबाट पिडित परीवारलाइ चिसोको समयमा राहत पुगोस भन्दै राहत बितरण गरिएको एकिकृत सरकारी कर्मचारी सँगठनका अध्यक्ष कपिल रावलले बताए ।
संगठनमा आस्थावान सम्पूर्ण कार्मचारीहरुको सानो सानो सहयोग संकलन गरि राहात बितरण गरिएको अध्यक्ष रावलले बताए।
एकिकृत कर्मचारी सँगठनका अध्यक्ष कपिल रावलको अध्यक्षतामा भएको कार्यक्रममा एकिकृत कर्मचारी सँगठनका केन्द्रिय उपाध्यक्ष निर्पराज जोशी प्रमुख अतिथ्यता रहेको थियो । त्यस्तै कार्यक्रममा थलारा गाउँपालिका वडा नम्बर ९ का वडा अध्यक्ष लोकेन्द्र बिष्ट, कर्मचारी सँगठनका केन्द्रिय सदस्य कर्ण खड्का बिशिष्ट अतिथी रहेका थिए । जिल्ला कमिटी सदस्य हिक्मत बहादुर खड्का , गणेश बिष्ट अतिथी रहेका थिए ।
राहत स्वरुप फाइबर सिरक पाएपछि भुकम्प पिडितहरु खुसी भएका छन् ।
