काठमाडौं ।
नेपाली काङ्ग्रेस, रामेछाप-काठमाडौं सम्पर्क समितिका सभापति राजनारायण श्रेष्ठको १३ओैँ दिनको पुण्यतिथिमा नेपाली काङ्ग्रेस रामेछाप काठमाडौँ सम्पर्क समितिद्वारा आज शोकसभा सम्पन्न गरियो । सनराइज क्याफे मध्यवानेश्वरमा उक्त कार्यक्रम गरिएको थियो ।
उपसभापति तथा कार्यवाहक सभापति प्रदीपकुमार बस्नेतको अध्यक्षतामा सम्पन्न उक्त सभामा नेपाली काङ्ग्रेसका महामन्त्री गगनकुमार थापाको प्रमुख आतिथ्य रहेको थियो । विशिष्ट अतिथिका रूपमा नेपाली काङ्ग्रेसकी केन्द्रीय सदस्य तथा सम्पर्क-विभाग प्रमुख नानू वास्तोला , रामेछाप काठमाडौँ सम्पर्क समितिका संस्थापक अध्यक्ष , नेपाली काङ्ग्रेसका पूर्व प्रमुख सचेतक, पूर्वमन्त्री तथा पूर्व जिल्ला सभापति लक्ष्मणप्रसाद घिमिरे , नेपाली काङ्ग्रेस रामेछापका जिल्लासभापति तथा माननीय पूर्णबहादुर तामाङ् ´कान्छाराम` , ने.का. रामेछापका पूर्वपाटी सभापति रामचन्द्र खड्का, वाग्मती प्रदेश सदस्य अर्जुन केसी , सम्पर्क समितिका पूर्वसभापति शिव श्रेष्ठलगायत रामेछापका थुप्रै नेतृगण तथा समाजसेवीहरूको उपस्थिति रहेको थियो । त्यसैगरी राजनारायण श्रेष्ठकी धर्मपत्नी , दाजु हरिनारायण श्रेष्ठ र छोराछोरीहरूको समेत उपस्थिति रहेको उक्त सभामा आयोजक सम्पर्क समितिका तर्फबाट उपसभापति सुजन काफ्लेले राजनारायण श्रेष्ठको व्यक्तित्व प्रकाशपूर्वक समवेदना तथा श्रद्धाञ्जलि प्रकट गर्न समुपस्थित सभालाई सम्बोधन गरेका थिए ।
आज आयोजित सभाको सञ्चालन तथा उद्घोषण समितिका सचिव शुकदेव खड्काले गरेका थिए।
