बुटवल । कान्ति मावि बुटवलमा पाठ्यक्रममा रहेको आन्तरिक मूल्याङ्कन सम्बन्धी Project work presentation सम्पन्न भएको छ।
कार्यक्रमको समुद्घाटन स्कुलका प्रधानाध्यापक गोविन्द ज्ञवालीले गरेका थिए । स्कुलका सहायक प्रधानाध्यापक द्वय पूर्णभद्र उपाध्याय र केदारनाथ ज्ञवालीले प्रोजेक्ट वर्क सम्बन्धी केही सुझावहरू सहित शुभकामना मन्तव्य राखेका थिए ।
बिहानी र दिवा समूहमा विद्यार्थीहरुका जम्मा ५० वटा presentation गरिएको थियो । कार्यक्रमको बिहानी समूहको कार्यक्रम सञ्चालन विज्ञान समूहका कोर्डिनेटर मोहन भट्टराईले तथा दिवा समूहको कार्यक्रम सञ्चालन दीपक बस्यालले गरेका थिए ।
कार्यक्रममा भौतिक विज्ञानका विज्ञ शिशिर पौडेल, पोमबहादुर थापा, विकास श्रेष्ठ त्यसैगरी रसायन विज्ञानका विज्ञ डा. उमेश न्यौपाने, कृष्ण चुदाली, डिल्ली प्रसाद बेलवासे, योगराज पोख्रेल साथै जीव विज्ञानका विज्ञ शान्तिदेवी पन्थी, विशाल आचार्य, कमल शर्मा गणित विज्ञानका विज्ञ सूर्यबहादुर भण्डारी, विष्णु पोखरेल र शिक्षक राजेन्द्र पौडेलले सहजिकरण गरेका थिए ।
यस्ता खालका कार्यक्रमले विद्यार्थीलाई पाठ्यक्रम मूल्याङ्कनको विषयवस्तुलाई मात्रै नभएर विद्यार्थीमा भएका टेक्नोलोजी सम्बन्धी तथा विज्ञान सम्बन्धी विशेष ज्ञान presentation मार्फत हेर्न पाउँदा सम्पुर्णमा विशेष फाइदा पुगेको भौतिक विज्ञानका विज्ञ शिशिर पौडेलले बताए ।
