एजेन्सी । अमेरिकाको नर्थ क्यारोलिनामा आपराधिक समूहको आक्रमणमा तीन प्रहरी अधिकारी मारिएका छन्। पाँचजना घाइते भएका छन्।
एक वारेन्ट कार्यान्वयनका क्रममा घर सिज गर्न पुगेका प्रहरी अधिकारीमाथि घर भित्रबाट गोली प्रहार भएपछि उक्त घटना भएको त्यहाँको प्रहरीले जनाएको छ। स्नीय चार्लोटेमा उक्त घटना करिव तीन घण्टापछि नियन्त्रणमा आएको थियो। घटनामा एकजना आक्रमणकारी पनि मारिएका छन्।
गोली प्रहारमा दुई सुटर संलग्न रहेका थिए। घाइते सुरक्षाकर्मी टास्क फोर्सको नेतृत्व गरिरहेको यूएस मार्सल सर्भिससम्बद्ध रहेको जनाइएको छ। उक्त क्षेत्रमा गोली प्रहारको घटना भएका कारण सुरक्षाकर्मी वारेन्ट आदेशको पालना गर्न त्यहाँ पुगेको थियो।
